සිංහල බ්ලොග්කරුවන්ගේ සංසදයට බොහෝ කලක සිට අඩුවක්ව පැවති දෙයක් සපුරන්නටයි මේ සැරසෙන්නේ. එනම් සංසදයට නිල බ්ලොග් අඩවියක්. කාලයක් තිස්සේ මෙම අදහස අප සිත් තුල පැවති අතර පසුගියදා පැවති හමුවේදී අරවින්ද චන්ද්‍රපද්ම සහෘදයා විසින් මෙම අදහස ඉදිරිපත් කිරීම අපේ කාර්යය ඉක්මන් කිරීමට ඉවහල් වුනා කිව්වොත් නිවැරදියි.

මෙම බ්ලොග් අඩවියෙන් ප්‍රධාන වශයෙන් බලාපොරොත්තු වන්නේ සංසදයේ සාමාජිකයන් වෙත යම් යම් නිල දැනුම්දීම් සිදුකිරීමයි. මීට අමතරව සිංහල බ්ලොග්කරණය, සිංහල යුනිකෝඩ් මාධ්‍යය පිලිබඳව ඇතැම් හඳුන්වාදීම්, දැනුවත්කිරීම් මෙන්ම බ්ලොග්කරුවන්ට අවශ්‍ය වන තාක්ෂණයන් පිලිපඳව උපදේශන ලිපි (tutorials/how-tos) ඉදිරිපත් කිරීමටද අප බලාපොරොත්තු වෙනවා.

ඔබ දැනටමත් සිංහල බ්ලොග්කරුවන්ගේ ගූග්ල් සමූහයේ සාමාජිකයෙකු නොවේනම්, සංසදයේ ප්‍රධාන සන්නිවේදන මාධ්‍යය වන එහි සාමාජිකත්වය ලබා ගන්නා ලෙසත් මතක් කරන්න කැමතියි. ඒ සඳහා මෙම යොමුවෙන් ගූග්ල් සමූහය වෙත යොමුවන්නට පුලුවන්. http://googlegroups.com/group/sinhala-bloggers/ මෙම ගූග්ල් සමූහය බ්ලොග් ලියන අයට පමණක් නොව පාඨකයන් සඳහාද විවෘතයි. පාඨකයන් නොමැති බ්ලොග්කරණ ප්‍රජාවක් අර්ථ විරහිතයි.

Continue reading →