සිංහල බ්ලොග්කරුවන්ගේ සංසදයේ බ්ලොග් අඩවිය | සිංහල බ්ලොග්කරුවන්ගේ සංසදයේ නිල බ්ලොග් අඩවිය

බ්ලොග් අඩවි නොපෙන්වීම….

By කාලිංග | Published: June 19, 2011

SBU Syndi හි වෙනස් කම් වගයක් කරමින් පවතින අතර, සමහර බ්ලොග් අඩවි නොපෙන්වීමට ඉඩ ඇත. මෙය ඉක්මනින් යතාතත්වය පත්වනු ඇත.

Posted in නිවේදන, පුවත් | Leave a comment

හදිසියේ අප අතරින් සමුගත් දිලුම් සොහොයුරා වෙනුවෙන් සිංහල බ්ලොග්කරුවන්ගේ සංසදයේ සාතිශය සංවේගය!

By කාලිංග | Published: May 21, 2011

බ්ලොග් කරනයේ “ඉලන්දාරියා” වූ දිලුම් දිසානායක සොයුරා අපෙන් සමුගත් බව අප දැනුම්දෙන්නේ මහත් කණගාටුවකින්. අපෙන් සමුගත් දිලුම් සොහොයුරා වෙනුවෙන් සිංහල බ්ලොග්කරුවන්ගේ සංසදයේ හා සිංහල බ්ලොග් කරුවන් වෙනුවන් අපගේ සාතිශය සංවේගය!

දිලුම්ගේ නිවසට යන පාර,

වාහනයක යන අයට, නුවර සිට මාතලේ යනවිට අලවතුගොඩගොඩ පසුවී බලකඩුව පල්ලම පසු කරන විට වම් පැත්තට කූඹියන්ගොඩ පාර ඔබට හමු වෙනු ඇත.. එතනින් කූඹියන්ගොඩ නගරයෙන් කොටුවේගෙදර පාරට හරවා නිවාස සංකීර්ණයේ ජයන්ති කඩේ අසලට ගියවිට දිළුම්ගේ නිවස දිස්වෙනු ඇත.
පොදු ප්‍රවාහන සේවා භාවිතා කරන අයට, මාතලෙ තැපැල් කාර්යාලය අසලින් උඩුපිහිල්ල හෝ ඊරියගහමඩ බස් රථයක නැගී කූඹියන්ගොඩ තැපැල් කන්තෝරුව අසලින් බැස ගත යුතුය. ඉන්පසු කොටුවෙගෙදර පාරේ නිවාස සංකීර්නය අසලට ගිය පසු දිළුම් ගේ නිවස දිස් වේ…

Aruna Weerasinghe ගේ වායාරූපයකි!

Posted in නිවේදන | 12 Comments

ඔබේ SBU Tshirt එක ලබාගන්නේ කෙසේද?

By ඉන්දරේ | Published: May 17, 2011

සිංහල බ්ලොග්කරුවන්ගේ සංසදයෙන් ටීෂර්ට් එකක් මුද්‍රණය කරන වැඩේ පටන් ගත්තේ මීට මාසෙකටත් කලින්. මේ ගැන යෝජනාව ආපු වෙලාවේ සෑහෙන්න පිරිසක් ඒක අනුමත කලාට මොකද අන්තිමේ ටීෂර්ට් සඳහා මුදල් ගෙවා වෙන් කරගෙන තිබුනේ සුලු පිරිසක් තමයි.

ඒ අය දන්නවා ඇති ටීෂර්ට් මුද්‍රණයට ගොඩක් බාධා එල්ල උනා. එක වරක් ටීෂර්ට් එකේ අකුරු පේලියක් අදාල ආයතනයෙන් වැරදියට මුද්‍රණය කරලා ෂර්ට් තොගයම නැවත මුද්‍රණය කරන්න සිදුවුනා. ඔවුන් පොරොන්දු වූ දිනට ෂර්ට් තොගය ලබා දුන්නේ නැහැ.

මේ ආකාරයේ අනේක විධ බාධා වලින් පසුව අවසානයේ ඔන්න ටී ෂර්ට් තොගය ඔබ වෙත ලබා දීමට සූදානම්. විශේෂයෙන් කියන්න ඕනේ, අප විසින් මුද්‍රණය කරනු ලැබුවේ කලින් මුදල් ගෙවා ඕඩර් කල අය සඳහා පමණයි. අමතර ටීෂර්ට් මුද්‍රණය කර නැති නිසා කලින් මුදල් ගෙවා ඕඩර් නොකල කිසිවෙකුට ටීෂර්ට් ලබාගැනීමට බැහැ.

ඔබේ ටීෂර්ට් එක මැයි 23 සඳුදා සිට පහත ආකාර වලින් ලබාගත හැකියි..

පැමිණ ලබාගැනීමට කැමති අයට, Metatechno Lanka (Pvt) Ltd, No 28, West Tower, World Trade Center, Colombo 1 ලිපිනයට පැමිණ කාලිංග හමුවීමෙන් ඔබේ ටීෂර්ට් එක ලබාගත හැකියි. පැමිණීමට ප්‍රථම 0777254174 අංකයෙන් කාලිංග අමතා ඔබ පැමිණෙන බව දැන්වීමට කාරුණික වන්න. ඔබේ අනන්‍යතාවය තහවුරු කිරීම සඳහා
1. ඔබ විසින් ටීෂර්ටය සඳහා බැංකුවට මුදල් ගෙවූ ලදුපත
හෝ
2. ඔබේ ජාතික හැඳුනුම්පත
ඉදිරිපත් කිරීමට අමතක කරන්න එපා.

තැපෑලෙන් ලබාගැනීමටත් අවකාශ තිබෙනවා. ඒ සඳහා වැයවන ගාස්තු අදාල කූරියර් සේවාවෙන් (CityPack) අප වෙත ලබාදී ඇති මේ ලේඛණයේ සඳහන්. එසේ තැපෑලෙන් ලබාගැනීමට අවශ්‍ය නම් එය සූදානම් කරගැනීම සඳහා 0777254174 අංකයෙන් කාලිංග අමතන්න.

සතුටුදායක ආරංචිය තමයි, ඔවුන් අතින් සිදුවූ ප්‍රමාදයට හිලවු වශයෙන් ඔවුන් ටීෂර්ට් එකක් රු 600/= මිලකට ලබාදීමට එකඟවුනා. මේ අනුව ඔබ ගෙවූ මුදලින් ඉතිරි වූ මුදලත් ඔබේ ටීෂර්ටය සමගින්ම ලබාගත හැකියි.

ටීෂර්ට් එකට මුදල් ගෙවා ඇත්තේ මෙන්න මේ අයයි (එනම් ටීෂර්ට් ලබාගත හැක්කේ මෙන්න මේ අයටයි)

1. චන්දික ගුණතිලක
2. තිලිණ ගුණසේකර
3. චතුර වික්‍රමසිංහ
4. ඉසුරු කොඩිතුවක්කු
5. අසිත කුමාර ලියනවඩුගේ
6. නදීන්ද්‍ර මදනායක
7. චින්තක සඳරුවන්
8. ප්‍රබෝධ මධුෂාන්
9. ගීත් නුවන් පතිරණ
10. ගනිදු රූපසේන
11. රුක්ෂාන් සමීර
12. යසිත් මියුරංග
13. රනිල් අල්ගම
14. රජිත අනුරාධ
15. ධනුෂ්ක ගුණසිංහ
16. ප්‍රවීන් ඉන්ද්‍රනාම
17. බින්දුක විජයනායක
18. නෙවින්දරී ප්‍රේමරත්න
19. කණිෂ්ක හෙන්නායක
20. සහන් සිරිබන්ධු
21. ගයන්ත සමරදිවාකර
22. හර්ෂණී නාකන්දල
23. අනුරාධ ජයතිලක
24. සුබාෂ් ප්‍රියංකර
25. තරිඳු පමල් දර්ශන
26. හර්ෂණ වීරසිංහ
27. ඉෂාන් තිලිණ

Posted in නිවේදන | 6 Comments

SBU T-ෂර්ටය ඇණවුම් කිරීම

By ඉන්දරේ | Published: December 29, 2010

පසුගිය වසරේ සුහද හමුව හා සමගාමීව ටී-ෂර්ටයක් මුද්‍රණය කලා මෙන්ම මෙවරද බොහෝ දෙනෙකුගේ ඉල්ලීම පරිදි ටීෂර්ට් එකක් නිර්මාණය කිරීමට අප කල්පනා කලා. මෙම ටීෂර්ට් එක කලින් මුද්‍රණය කර මිලදී ගැනීමක් ලෙස ඔබ වෙත ලබාදිය නොහැකි නිසා අප තීරණය කලේ ටීෂර්ට් අවශ්‍ය අයට කලින් මුදල් ලබා දී ඇණවුම් කිරීමක් සිදු කල විට ජනවාරි 20 දක්වා ඇණවුම් කර ඇති ටීෂර්ට් ප්‍රමාණය මුද්‍රණය කර ඔවුන්ට ලබාදීමටයි.

මේ නිසා ඔබට ටීෂර්ට් එකක් අවශ්‍ය නම් ඔබ කල යුත්තේ 2011 ජනවාරි 20ට පෙර මෙහි පහත සඳහන් වන පරිද්දෙන් අදාල ගෙවීම සිදුකර, ඒ බැව් අප වෙත දැනුම් දීමයි. ඔබේ ටීෂර්ට් එක සූදානම් වූ විගස ඒ බව අප විසින් ඔබට දැනුම් දෙනවා ඇති.

එක් ටීෂර්ට් එකක් සඳහා මිල රු 750/= ක් වන අතර ඔබට කැමති ටීෂර්ට් සංඛ්‍යාවක් මිලදීගත හැකියි. ඔබේ ගෙවීම් සම්පත් බැංකුවේ 001259000218 අංකය දරණ කාලිංග ඇතුලත්මුදලි නමට ඇති ගිණුමට බැර කල යුතු අතර ඔබේ ගෙවීමේ විස්තර [email protected] වෙත විද්‍යුත් ලිපියකින් දැන්විය යුතුයි. මෙසේ අප වෙත දන්වා එවිය යුත්තේ ගෙවීම සිදුකල දිනය හා වේලාව, බැංකු ශාඛාව හා ගණුදෙනුව වෙනුවෙන් ලැබුනු Reference number එකයි. (මෙම reference number එක ඔබේ deposit slip එකේ සටහන් වන අතර අවශ්‍ය නම් එවෙලේම බැංකු නිලධාරියාගෙන් විමසීමෙන් දැනගත හැකියි)

ගෙවීම් විස්තරය සමග ඔබට අවශ්‍ය ටීෂර්ට් ගණන (මෙම ගණනට සරිලන ලෙස ගෙවීම් සිදුකර තිබිය යුතුය), ටීෂර්ට් වල ප්‍රමාණය (Small, Medium, Large, XL) ද සඳහන් කර එවීමට අමතක කරන්න එපා.

මෙසේ එවනු ලැබූ විද්‍යුත් ලිපිය අප වෙත ලැබුනු පසු ගණුදෙනුව පරීක්ෂා කර බලා ඒ බැව් පිලිතුරු ලිපියකින් අප විසින් සනාථ කරනු ඇති.

ටීෂර්ට් මුද්‍රණය කල පසු ඒ බැව් ඔබ වෙත දැනුම් දෙනු ලබන අතර, කොළඹ නගරයේ අප විසින් සඳහන් කරනු ලබන ස්ථානයකට පැමිණ ඔබගේ deposit slip එක හෝ ජාතික හැඳුනුම්පත ඉදිරිපත් කර අනන්‍යතාවය තහවුරු කිරීමෙන් එය ලබාගත හැකියි. පිටපලාතක් හෝ විදේශයක් වෙත තැපෑලෙන් එවාගැනීමට අවශ්‍ය නම් ඒ සඳහා තැපැල් ගාස්තු වෙනමම ගෙවිය යුතු අතර ඒ පිලිබඳව අප වෙත ඊමේල් එකක් එවීමෙන් සාකච්ඡා කරගත හැක.

පසුගිය වතාවේ නිර්මිත ටීෂර්ට් එකේ ඡායාරූපයක් පහත දැක්වෙන අතර මෙවරද ඊට සමාන ආකෘතියකින්, නමුත් වෙනස් Material එකකින් ටීෂර්ට් එක මුද්‍රණය වනු ඇත. පසුගිය වතාවේ මෙන් තම බ්ලොග් අඩවියේ ලිපිනය ෂර්ට් එකේ සටහන් කරවාගැනීමට නම් මෙවර පහසුකම් නැති බව කණගාටුවෙන් දැනුම් දෙන්නට සිදුවෙනවා.

එසේනම් සමස්තයක් ලෙස ටීෂර්ට් එක ලබාගැනීමට ඔබ විසින් කල යුතු දේ සාරාංශගත කොට මෙසේ දැක්විය හැකියි.

සම්පත් බැංකුවේ අංක 001259000218 දරණ කාලිංග ඇතුලත්මුදලි නමට ඇති ගිණුමට, එක් ටීෂර්ටයක් සඳහා රු 750/= වන සේ අවශ්‍ය ටීෂර්ට් ගණනට අදාල මුදල් ප්‍රමාණය 2011 ජනවාරි 20 ට පෙර තැන්පත් කිරීම.
ගණුදෙනුවේ reference number එක, ගණුදෙනුව සිදුකල බැංකු ශාඛාව, ගණුදෙනුව සිදුකල දිනය හා වේලාව යන විස්තර සමග ඔබේ නම සඳහන් කර 2011 ජනවාරි 20 ට පෙර [email protected] වෙත ඊමේල් එකක් එවීම.
ඔබේ ඊමේල් එක ලැබුනු බවට හා ගණුදෙනුව verify කල බවට අප වෙතින් ලැබෙන පිලිතුර බලාපොරොත්තු වීම හා සතියක් ඇතුලත එය නොලැබුනොත් ඒ පිලිබඳව 0777 254174 දුරකථන අංකයෙන් විමසීම.
ඔබේ ටීෂර්ටය සූදානම් බව අප විසින් දැන්වූ පසු අප සඳහන් කරන ස්ථානයට (කොළඹ නගරයේ) පැමිණ ඔබේ payment slip එක හෝ ජාතික හැඳුනුම්පත ඉදිරිපත් කර එය ලබාගැනීම. තැපෑලෙන් ගෙන්වාගැනීමට අවශ්‍ය නම් ඒ සඳහා අමතරව ගෙවිය යුතු තැපැල් ගාස්තු පිලිබඳව අප සමග සාකච්ඡා කිරීම.

මේ සම්බන්ධයෙන් ඔබට යම් ගැටලුවක් ඇත්නම් එය [email protected] වෙත යොමුකරන්න.

Posted in නිවේදන | 19 Comments

2010 සුහද හමුව සජිවී විකාශය

By Thilina | Published: December 19, 2010

Posted in Uncategorized | 28 Comments

2010 සිංහල බ්ලොග්කරුවන්ගේ හමුව – නිවේදනය

By ඉන්දරේ | Published: November 23, 2010

සිංහල බ්ලොග්කරුවන්ගේ සංසදයේ වාර්ෂික හමුව මෙවර දෙසැම්බර් මස පැවැත්වෙන බව අප ඔබට කලින් දැනුම් දුන්නා. සහභාගීත්වය සටහන් කරන ලෙස අප ලබාදුන් පෝර්මය මේ වන විට විශාල සංඛ්‍යාවක් පුරවා තිබෙනවා. මේ අනුව සිංහල බ්ලොග්කරුවන්ගේ සුහද හමුව පැවැත්වීමට මේ වන විට අප ස්ථානයක් සූදානම් කර අවසන්.

මෙවර සිංහල බ්ලොග්කරුවන්ගේ සුහද හමුව වෙනුවෙන් පූර්ණ අනුග්‍රහය සපයන්නේ මයික්‍රොසොෆ්ට් (ශ්‍රී ලංකා) සමාගම බව සතුටින් යුතුව දන්වන්න කැමතියි. ඔවුන් අප වෙනුවෙන් රැස්වීමට ස්ථානයක් සහ සංග්‍රහ කටයුතු සූදානම් කරදීමට කැමැත්ත පලකොට තිබෙනවා.

මේ අනුව දෙසැම්බර් මස 19 වෙනි ඉරුදිනයේ උදෑසන 8.30ට අපගේ දෙවැනි සිංහල බ්ලොග්කරුවන්ගේ හමුව කොළඹ 02 නවම් මාවතේ DHPL ගොඩනැගිල්ලේ 3වැනි මහලේ පිහිටි ශ්‍රවණාගාරයේදී පැවැත්වෙනු ඇති. අප බලාපොරොත්තු වන්නේ දහවල් 1.30 වනතුරු අපගේ හමුව පැවැත්වීමටයි. මෙහිදී ඔබට ඔබේ ප්‍රියතම බ්ලොග්කරුවන් හමුවීමට, කතාබහ කිරීමට, අදහස් හුවමාරුකරගැනීමට මෙන්ම සිංහල බ්ලොග්කරුවන්ගේ සංසදය මේ දක්වා සාක්ෂාත් කරගත් අරමුණු හා අනාගත අරමුණු පිලිබඳව සාකච්ඡා කිරීමට හැකියි. සිංහල යුනිකේතයේ ප්‍රවර්ධනය වෙනුවෙන් මයික්‍රොසොෆ්ට් ආයතනය සිදු කර ඇති කාර්යභාරය පිලිබඳව එහිදී ඔවුන් විසින් අප වෙත කෙටි දැනුවත් කිරීමක් සිදු කරනු ඇති.

පැවැත්වෙන ස්ථානය පිලිබඳ විස්තර සාරාංශගත කර මෙලෙස නැවත සඳහන් කරන්නම්,
දිනය: 2010 දෙසැම්බර් 19 ඉරිදා
වේලාව: පෙ.ව. 8.30 – ප.ව. 1.00
ස්ථානය: කොළඹ 2 නවම් මාවතේ DHPL ගොඩනැගිල්ලේ තෙවැනි මහලේ පිහිටි ශ්‍රවණාගාරයේ.

සිතියම:

විස්තර සහිත සිතියම සඳහා මෙම යොමුවට යන්න.

ඔබ සැමගේ සහභාගීත්වය එදිනට ගෞරවයෙන් අපේක්ෂා කරනවා.

ගමන් මාර්ගය: පිටකොටුවේ දුම්රියපොල ඉදිරිපිටින් මොරටුව (100) හෝ පානදුර (101) බසයක නැග, නවලෝක රෝහල අසලින් බසින්න. මදක් ඉදරියට ඇවිද එන විට පාරේ දකුණු පසින් සම්පත් බැංකු ප්‍රධාන ගොඩනැගිල්ල අසලින් (බේරේ වැව අසබඩ) නවම් මාවත ආරම්භ වේ. ඉතිරි විස්තර සිතියමෙන් දැකගත හැකියි.

පසුවදන: පසුගියවර හමුවේදී නිර්ණාමික/ආරූඪ නාම වලින් පෙනී සිටින බ්ලොග්කරුවන්ට තැනක් නොලැබුනු බවට රාවයක් පලවුනා. නිර්ණාමික බ්ලොග්කරුවන්ට හමුවට සහභාගී වීමට හා එහිදී තම ආරූඪ නාමයෙන් පෙනී සිටීමට කිසිදු බාධාවක් නැහැ. නමුත් ඔවුන් සිය මුහුණ පෙන්වීමටද අකමැතිනම් ඒ සඳහා වෙනත් විසඳුමක් නැහැ, හමුවට සහභාගී නොවීම හැර. යමෙක් එසේ රූපයෙන්ද සැඟවී සිටීමට අදහස් කරනවානම් එවැන්නෙකුට පොදු හමුවක් සුදුසු නැති බවයි අපේ හැඟීම. කෙසේ වෙතත් නැවතත් සඳහන් කරන්න කැමතියි නිර්ණාමික බ්ලොග්කරුවන්ට හමුවට සහභාගී වීමට හා එහිදී තම ආරූඪ නාමයෙන් පෙනී සිටීමට කිසිදු බාධාවක් නැති බව. අප හෝ වෙනත් කිසිදු බ්ලොග්කරුවෙක් ඔවුන්ගේ සැබ අනන්‍යතාවය ඇවිස්සීමට නොයන බව අපට විශ්වාසයි.

සැ.යු: ඔබට යම්කිසි ගැටලුවක් ඇතිනම් 0777 254174 යන දුරකතන අංකය ඔස්සෙ විස්තර දැනගත හැක. දැනට ලියාපදිංවි නොවුවන් සිටීනම් කරුණාකර මෙම පුරුක ඔස්සෙ ලියාපදිංවි වන මෙන් කාරුණිකව ඉලා සිටිනවා. හමුව පවත්වන ගොඩනැගිල්ලට කරදරයකින් තොරව ඇතුල්වීමට මෙය රුකුලක් වනු ඇත.

Posted in නිවේදන | 70 Comments

2010 සිංහල බ්ලොග්කරුවන්ගේ හමුවට පෙරවදනක්

By ඉන්දරේ | Published: November 13, 2010

බ්ලොග් ලියමින්, අනිත් අයගේ බ්ලොග් කියවමින්, ප්‍රතිචාර දක්වමින්, අන්තර්ජාලය තුලදී පමණක් මුණගැහුණු සිංහල බ්ලොග්කරණ ප්‍රජාව හැබැහින් හමුවී කතාබහ කිරීමේ චාරිත්‍රය මුලින්ම ඇරඹුනේ පසුගිය වසරේ. මේ අනුව 2009 දෙසැම්බර් මස 19 වෙනි දින කොළඹ එක්සෙල් වර්ල්ඩ් හි රැස්වූ බ්ලොග්කරණ ප්‍රජාව එහිදී කලින් ජාලය තුලදී පමණක් හඳුනාගෙන සිටි අය හැබැහින් දැකබලාගෙන හඳුනාගෙන කතාබහ කිරීමේ භාග්‍යය උදාකරගත්තා.

2009 සුහද හමුවේදී...

මෙම චාරිත්‍රය ඉදිරියටත් ගෙන එනු වස් මේ අවුරුද්දෙත් සිංහල බ්ලොග්කරුවන්ගේ සුහද හමුවක් සංවිධානය කිරීමේ කටයුත්තට සිංහල බ්ලොග්කරුවන්ගේ සංසදය උරදීමටයි සැරසෙන්නේ. මෙවරත් දිනය වශයෙන් බොහෝ දෙනෙකුට අපහසුවක් නැති බව පෙණුනු දෙසැම්බර් 19 වෙනි ඉරිදා දිනය තෝරාගත්තා. මෙම අවස්ථාවට සිංහල බ්ලොග් ලියන, කියවන හැමෝටම සහභාගී වෙන්න පුලුවන්.

මෙවර හමුව පැවැත්වෙන ස්ථානය තීරණය කිරීම සඳහා අපට හමුව සඳහා කෙතරම් පිරිසක් සහභාගී වේද යන්න දළ වශයෙන් දැනගැනීමට අවශ්‍යයි. (හමුව සිදුකරන්නේ කොළඹ නගරය තුල ස්ථානයකයි, පසුගිය වසරේ එක්සෙල් වර්ල්ඩ් තෝරාගත්තා මෙන්) මේ සඳහා හමුවට සහභාගී වීමට අපේක්ෂා කරන අපගේ සහෘදයන් පහත පෝර්මය පුරවා ඒ සඳහා සහයෝගය දෙනු ඇතැයි අප අපේක්ෂා කරනවා.

පෝර්මය වෙත >>

Posted in නිවේදන | 35 Comments

[පුවත්] සිංහල බ්ලොග්කරණ තරගාවලිය පිළිබඳ යාවත්කාලීන කිරීමක්

By ශාකුන්තල | Published: October 26, 2010

රාජකීය විද්‍යාලයීය සිංහල භාෂා හා සාහිත්‍ය ඒතකය විසින් නිකුත් කරන ලද නිවේදනයක්,

ප්‍රථමයෙන් දැනුම් දී ඇති පරිදි සිංහල බ්ලොග්කරණ තරගාවලිය වෙත ඇතුළත් කරගැනීම සඳහා ලබාදුන් දින කාල සීමාව 2010/10/25 දින අවසන් වන නමුත්, බොහෝ දෙනෙකුගේ ඉල්ලීම පරිදි අවසන් දිනය 2010/11/01 දින දක්වා දීර්ඝ කෙරෙනු ඇති. එමෙන්ම සිංහල බ්ලොග්කරණ තරගාවලියට ඉල්ලුම් කළ නමුත්, ඇතුළත් කරගත් බවට තවමත් ඔබට දන්වා නොමැති නම් ඒ පිළිබඳව බිය විය යුතු නැහැ. ඔබගේ ඉල්ලීම ඉතාමත් ඉක්මනින් සපුරාලනු ඇති.

ළඟ ළඟම එන “අසෙනිය කුසුම” කලා උළෙල නිසාවෙන් බොහෝ කාර්ය බහුල තත්වයක වන නිසාවෙන් ප්‍රතිචාර දින කිහිපයක් පමාවනු ඇති.

සිංහල බ්ලොග්කරණ තරගාවලියේ ප්‍රධාන අනුග්‍රහය මෙවරත් ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනය විසින් දරනු ලබන අතර, සිංහල බ්ලොග්කරුවන්ගේ සංසදය සිය සම්පත් දායකත්වය මෙම තරගාවලියට සපයනු ලබයි.

සිංහල බ්ලොග්කරණ තරගාවලියෙන් ජයග්‍රහණය ලබන බ්ලොග්කරුවන් වෙනුවෙන් ත්‍යාග වශයෙන් ජීවිත කාලය පුරාම නොමිලේ වෙබ් ඉඩ සැපයීමට eWebLK ආයතනය ඉදිරිපත් වී ඇත.

විවෘත අංශයෙන්, නැණසල අංශයෙන් සහ පාසල් අංශයෙන් තේරීපත්වන හොඳම බ්ලොග් අඩවිය වෙනුවෙන්, එම බ්ලොග් අඩවිය පවත්වාගෙන යාම සඳහා නොමිලේ ඩොමේන් නාමයක් සමඟ ජීවිත කාලය පුරා සීමා රහිත වෙබ් ඉඩ හිමිවනු ඇති.

එමෙන්ම,

හොඳම පුද්ගලික බ්ලොග් අඩවිය.
හොඳම අධ්‍යාපනික බ්ලොග් අඩවිය.
හොඳම සාහිත්‍යමය බ්ලොග් අඩවිය.
හොඳම තාක්ෂණිකමය බ්ලොග් අඩවිය.
හොඳම කාලීන සිදුවීම් බ්ලොග් අඩවිය.
හොඳම වින්දනාත්මක බ්ලොග් අඩවිය

යන අංශ වලින් ජයග්‍රහණය ලබන බ්ලොග් අඩවි වෙතත් තමන්ගේ බ්ලොග් අඩවිය පවත්වාගෙන යාම සඳහා ජීවිත කාලය පුරාම නොමිලේ වෙබ් ඉඩ හිමිවනු ඇත.

Posted in පුවත් | Tagged competition | Leave a comment

[පුවත්] රාජකීයයන්ගේ සිංහල බ්ලොග්කරණ තරගාවලියට මෙවර සංසදයේ දායකත්වය

By ඉන්දරේ | Published: October 2, 2010

රාජකීය විද්‍යාලයීය සිංහල භාෂා හා සාහිත්‍ය ඒකකය විසින් දෙවැනි වරට සංවිධානය කරනු ලබන සිංහල බ්ලොග්කරණ තරගාවලිය මේ වන විට ආරම්භ වී තිබෙනවා. මෙය අපගේ සිංහල බ්ලොග්කරුවන්ගේ සංසදයට වැදගත් වන්නේ මෙවර එම තරගාවලිය සඳහා සම්පත් දායකත්වයෙන් අප සම්බන්ධ වන නිසයි. සිංහල බ්ලොග්කරණය ප්‍රචලිත කිරීමේ අරමුණින් යුතුව ක්‍රියා කරන අප එවැනිම තවත් වෑයමක් වන මෙම තරගාවලිය සඳහා සහාය ලබාදෙන්නේ හදපිරි සතුටින්.

තරගාවලියට සහභාගී වන බ්ලොග් අඩවි අපගේ සිංහල බ්ලොග් කියවනයේ “තරගාවලිය“ නමින් යුත් නව ටැබයක දිස්වනු ඇති.

තරගාවලිය සම්බන්ධ තොරතුරු, තරගයේ නීතීරීති හා තරගාවලියේ අයදුම්පත් ලබාගැනීම සඳහා ඔබට රාජකීය විද්‍යාලයීය සිංහල භාෂා හා සාහිත්‍ය ඒකකයේ වෙබ් අඩවියට පිවිසීමට පිලිවන්. ඒ සඳහා මෙම යොමුව භාවිත කරන්න: http://www.sahithya.lk/sinhala-blogging-competition/

තරගාවලියට සහභාගී වන බ්ලොග් අඩවි වල අලුත්ම ලිපි අපගේ සිංහල බ්ලොග් කියවනය හරහා කියවීමට මෙම යොමුව භාවිත කල හැකියි: http://blogs.sinhalabloggers.com/competition/

සිංහල බ්ලොග්කරණ තරගාවලිය සඳහා අප සංසදයත් රාජකීය විද්‍යාලයත් එකමුතුව සිදු කරන ඉදිරි කර්තව්‍යයන් පිලිබඳ පුවත් මෙම බ්ලොග් අඩවිය තුලින් ඔබ වෙත ගෙනඑනු ඇති.

තවමත් ඔබ බ්ලොග්කරණ තරගාවලිය සඳහා ලියාපදිංචි වූයේ නැතිනම් ලියාපදිංචි වීමට තවත් ප්‍රමාද විය යුතු නැහැ!

වැදගත්: සිංහල බ්ලොග්කරුවන්ගේ සංසදයේ කිසිදු පරිපාලකයකු මෙවර බ්ලොග්කරණ තරගාවලිය සඳහා තරග නොකරනු ඇති.

Posted in පුවත් | 6 Comments

කුමුදු ලාල් පින්තු මහතාගේ අභාවය පිලිබඳව අපගේ සාතිශය සංවේගය පලකරමු

By ඉන්දරේ | Published: July 26, 2010

ඉංජිනේරුවකු, දහස් සංඛ්‍යාත සිසු පිරිසක් බිහිකල කෘතහස්ත ගුරුවරයකු මෙන්ම සිංහල බ්ලොග්කරුවකු වූ කුමුදු ලාල් පින්තු මහතා ඊයේ අභාවප්‍රාප්ත විය. එතුමාගේ නික්ම යෑම පිලිබඳව සියලු සිංහල බ්ලොග්කරුවන් වෙනුවෙන් සිංහල බ්ලොග්කරුවන්ගේ සංසදයේ සාතිශය සංවේගය මෙසේ පලකර සිටින්නෙමු.

එතුමා ලියූ බ්ලොග් අඩවිය වන “තම තම නැණ පමණ“ වෙත පහත යොමුවෙන් පිවිසිය හැකිය.

http://kumudupinto.wordpress.com/

දේහය තැන්පත් කර ඇති එතුමාගේ කොළොන්නාවේ නිවසට යන මාර්ගය පහත සිතියමේ දැක්වේ.